أفضل قصائد الشاعر الحميدي بن حمد الحربي

الحميدي بن حمد الحربي هو أحد كبار شعراء المملكة، ولد في عام 1376 هـ. اشتهر بكونه شاعر غزل ماهر في استخدام الكلمات الشعرية بشكل متقن، ومتمكن في فن المحاورة الشعرية. قد نشر العديد من قصائده في جريدة الوطن .

الشاعر الحميدي بن حمد الحربي
الشاعر الحميدي بن حمد الحربي من أهم شعراء الغزل الذين مروا على المملكة، وقد أسس أو صفحة للشعر الشعبي بجريدة المدينة وذلك عام 1402 هـ، وبعد أن عمل في الصفحة لمدة عام، انتقل إلى جريدة الجزيرة السعودية، وينتمي الحربي إلى قبيلة حرب إحدى أكبر قبائل الجزيرة العربية، وله من الأولاد : حمد، محمد، نواف، وتركي .

تحتوي على أفضل قصائد الشاعر الحميدي بن حمد الحربي
1- قصيدة مرثية الملك فهد
وين القصيد اللي بحجم المصيبة
تقنع به أصحاب المدارك والألباب
وينقل عن الخفّاق بعض الذي به
من لوعةٍ لو هي بصم الصفا ذاب
الخطب ليلٍ طمّ .. وين أبتدي به
كيف أصف شعور القرابة والأجناب
الموت حالٍ كلنا ننتهي به
مقدّره ربي بتوقيت وأسباب
مير الذي خّلا القصايد صعيبة
كبر الغلا للي عن أنظارنا غاب
توفي الفهد .. اللهم ارحمه واغفر له
يسِّر له حسابٍ .. ويمِّن له كتاب
يوم إن كلٍّ تظهر الصحف غيبه
والحشر يفضح مشهده كل مرتاب
عسى بهاك اليوم عفوك نصيبه
بينه وبين النار غفرانك حجاب
حيثه خدم بإخلاص مكة وطيبة
وبحماه كل المملكة فالها طاب
ولا رضي للأمتين بغليبه
فتح لعزتها بمجهوده أبواب
فهد العرب .. من يختاره لن يخيب خياره
ظله ظليل .. وظن راجيه ما خاب .

2- قصيدة لو يسألونك
وش تقدرين اليوم عني تقولين
لو يسألونك غيض وإلا شماته
مدري ؟ ولكن وضحي لا تخفين
وفاك للماضي يجسد حلاته
رغم الفراق الي مضى دونه سنين
قولي لهم كنت الحياة بحياته
أعميت قلبه عن جميع المزايين
وأنكر معي عذري الاحساس ذاته
أضحك وهو يبكي من الوجد والبين
وأبكي معه تمثيل وأشكي شكاته
لين أدمن الحيرة وشكوى المحبين
وأصبح غرامه بي .. من أبرزسماته
أربع سنين مولع السمع والعين
شوفى هنا دنياه وأسمى غناته
والخامسة صار اختلال الموازين
فقدت ما كنت أعشقه من صفاته
صار السكون اللي عهدته براكين
وحلت عبراته محل عبراته
واقفي هنا بالشرح لا تستمرين
خيالك المبهوت لمي شتاته .

3- قصيدة وين الحنان
يوم الوفا له في مشاعرك عينه
وأنا معك وافي ورى ماهقيتي
إنسقت مع شوق الخفوق وحنينه
ما قلت كم خذتي ولاكم عطيتي
أعطيك نون العين لو تطلبينه
واخلق لك الأعذار مهما قسيتي
ويوم اعترفت أنك لقلبي وزينه
طاح القناع الي وراه اختفيتي
وين الحنان اللي معي تدعينه
وين الوفا اللي في ثيابه بديتي
صرتي لدهري في عذابي عوينه
هدمتي اللي بالأماني بنيتي
تأكدي كل البشر تخدعينه
إلا خفوقٍ من حنانه رويتي
ما عاد أنا الطفل الذي تخبرينه
يزعل وترضينه متى ما بغيتي
شوقي غدى كتلة رمادٍ بطينه
وهو أمس نار من وهجها دفيتي
وش عقب موت الشوق لك ترتجينه
ياللي براىٍ ما نفعك اقتديتي
غلاك في قلبي هدمتي حصينه
وعليه بأقدام التعالي وطيتي
لا دمع هل ولا مشاعر حزينة
سراب بينتي سراب انتهيتي .

4- قصيدة وهم الأحلام
لنور للمسروربين شعاعه
وأنا نهاري مثل ليلي بلا نور
ضيعت وقتي ما شعرت بضياعه
يوم الخفوق بوهم الأحلام مغمور
ما قلت للعذال سمعاً وطاعة
مخدوع في ضحكة زماني ومغرور
يومه يقول اغنم من الوقت ساعه
لذاتها تحيا بها روحك دهور
وساير زمانك في مسارك وراعه
ترى الهنا عقبه يجي للعنا دور
أنقد على هرجه واحرم سماعه
وأصنفه في مرتبة شاهد الزور
واليوم يوم الوقت بين خداعه
وبدورة أفلاكه كشف كل مستور
مالي بتغيير الضروف استطاعة
حتى ولو حبل الرجا صار مبتور
يستاهل القلب الغشيم التياعه
جزاه يومنه رفض صادق الشور .

5- قصيدة تعالي
صحيح انك زمان فات غالي
قبل تكشفك دورات الليالي
حسبتك شمعة تضوي طريقي
وجعلت رضاك ربح وراس مالي
تركت اللي يقاسمني همومي
وتابعت السراب اللي زهالي
سرابٍ قادني يم المهالك
غشى عيني وخيم في خيالي
وعقب بان الخيال من الحقيقة
تندمت ورجعت لمن صفالي
الا يا روحي اللي فارقتني
عقب زال الوهم عني تعالي
تعالي حسسيني في وجودي
معك معنى الوجود اول وتالي
أنا لك لو خدعني زيف وقتي
الأول بالغلا ماله بدالي
أنا لو غلطتي كانت كبيره
يكفرها العذاب اللي جرالي
تعالي جددي عهد الموده
محت يمناي ماخطت شمالي
تعالي عوضي حرمان قلبي
مكانك ظل طول الوقت خالي
تعالي لو بقى بالعمر لحظة
تساوي من حياتي ما مضى لي
أعزف بقربك ألحان السعادة
وأقول لعاذلي مالك ومالي
خذ اللوعات من دنياي وارحل
أنا عضن الهنا مال ودنالي .